Pu Thangtea hian nimina AMRI Hospital-a enkawl Mizo damlo pahnihin COVID-19 an kai tih hriat a nih hnuah West Bengal MOS Health changtu, Pi Chandrima Bhattacharya biain, an inbiakna bawhzui hian Doctor-ten Mizoram House hi an pan nghal a, COVID-19 natna kai damlo pahnih hi COVID-19 vei dahna tur bika ruat Hospital-ah dah nghal an ni a, heng mite nena inhne hnai deuhte chu contact tracing an tichhunzawm nghal a, Mizoram House-a awm mi 18 chu nizan dar 9 khan Kolkata-a quarantine centre-ah dah nghal an ni. Mizoram House-a thawk hnam dang pakhat pawh vawiin khan quarantine centre-ah dah luh leh a ni. Dr. Thangtea chuan Kolkata-ah hian Mizo damlo 2, COVID-19 vei hmuhchhuah tih loh midang hmuhchhuah belh an la awm loh thu leh mipuite chiai lo tura a duh thu a sawi a, vawiin lama Cancer vei pakhat dang COVID-19 positive thar awm anga sawi pawh thu dik lo a ni tih a sawi.
