An thudawn bawhzuiin Police te hian Sealdah Rel Station-a lirthei dahna hmun a\angin Bangladesh hel pawla tel mi 2 an man bawk a ni. Neo-JMB hel pawl zinga mi kum 44-a upa, Md Jia-ur-Rahman leh kum 33 mi, Mamon-ur-Rashid te hi Thawh\anni khan Police ten manin, Islam mite tawrhna leh an hmelma dona kaihhnawih thlalak chi hrang hrang te, Islam sakhaw thuvawn leh thu leh hla te bakah lehkhabu dangte an man tel tih Police te chuan an sawi a, heng mite zing ami, West Bengal-a Birbhum District-a cheng, Md. Sahin Alam, kum 23 mi leh Robi-ul-Islam, kum 35 mi te chu Howrah Rel Station bulah man leh an ni bawk.
Ram chhung mi pakhat chuan heng mite hi lo humin, an mamawh chi hrang hrang a ngaihtuah sak bakah an sum hman tur thlengin a ngaihtuahsak vek tih Police te chuan an sawi a, heng mite hian an thil tih tur hmachhawp hrang hrang uar takin Social Media-ah an puangzar \hin a ni.
