Kum 35 mi Nirmal Kundu hi nizan dar 7:30 khan Kolkata hmar lam Nimta ah kahhlum a ni a, kawngsir thingpui dawra tualchhung mi te a titipui laiin motocycle-a chuang mi pahnihin tlan pelin a hnung zawka chuang chuan vawi 2 a kap a, CCTV thlalak a\anga a lan danin pawikhawihtute hi mipui pungkhawm karah an motocycle hmang hian an tlan bo nghal a ni. Kundu-a hi damdawiin panpui anih laiin a thi a ni.
Trinamool Congress chuan BJP thah-ah an puh a, West Bengal BJP hotu Dilip Ghosh chuan he puhna hi thu awmze nei lo a ni a ti a, Trinamool congress party chhung buaina vang nia a lan thu a sawi thung. Barrackpore police hotu chuan he tualthah thuah hian mi \henkhat thu zawhfiah tura man an nih tawh thu a sawi a, rinhleh man pakhat chenna in chu mipui thinrimin an suasam a ni. Chief Minister Mamata Banerjee chuan Kundu-a chenna in hi naktuka tlawh a tum thu a sawi.
