Women Polytechnic, Thingdawl-a Quarantine Centre-ah hian ruihhlo avanga State pawna kal nia rinhlelhte dah an ni a, an mamawh hrang hrang Sawrkarin ruahman sakin a enkawl a ni. Khung hran an nih chhung hian Mizoram Kohhran Hruaitu Committee, Kolasib District ruahmanna in thlarau lamah beihpui thlakpui a ni a, Synod Revival Speaker Pu Lalnuntluanga’n rawngbawlna neih chilhin an zinga mi 30 chuang Pathian hnena inhlan an awm a ni.
Mi 73 chhuah tak te hi Magistrate hriatpuina-a intiamkamna neih tir an ni a, anmahni awmna theuha Task Force ten an lo en zui theih nan an chenna hmun theuhah District Bawrhsap ruahmanna in lirthei hmanga thlah an ni. Women Polytechnic, Thingdawl-a Quarantine Centre ah hian mi 108 an awm a, mi 73 an chhuah hnu hian mi 35 an la awm a ni.
