Kolasib NGO Coordination Committee hruaitute chuan Kolasib Bawrhsap, Dr. Arun T-an Bru Camp-a awm mi 218 Electoral Roll-a October ni 27-a a thun belh leh chu dan kalha thiltih nia sawiin naktukah Gauhati High Court Aizawl Bench-ah PIL an thehlut dawn.

ZONET zawhna chhangin Kolasib Sub Hqrs. YMA President, Pu C. Liankunga chuan Ukil pahnih ruaiin PIL hi hmanhmawh takin an siam niin a sawi a ni. Hemi hnua ZONET thudawn danin PIL hi vawiin khan thehluh hman a ni ta lova, naktukah thehluh a ni ang a, hmanhmawh taka ngaihtuah turin Court chu ngen a ni ang.