Tukin dar 7 vel khan Kolasib leh a chhehvelah thlipui na tak a tleh a, hemi rual hian rial a tl^k bakah ruah nasa takin a sur bawk a, thlipui tleh hian Rengtekawn, New Builum leh Buhchangphai-ah mihring chenna in 17 a tichhia. Kolasib Sub Hqrs. YMA Disaster Management Committee hruaitute hnen a\anga thudawn danin he thli tleh hian Rengtekawnah chenna in 1 luah theih loh khawpa a tihchhiat bakah in dang 10 siam \hat theihin a tichhia a, in chhe siam\hat hna hi vawiin khan hnatlanga thawh a ni. He thlipui tleh hian Rengtekawna BCM Biak In bang tile nasa takin a tichhia a, keyboard leh sound system dangah te pawh ruahtui a lut a, a dinhmun tur hriatchian theih a la ni rih lo a ni. In pakhat chhe vek erawh chu hun remchang dangah sak \hat tum a ni. He thli tleh hian Rengtekawn bula New Builum khuaah pawh chenna in 5 a tichhia a, a tlangpuiin heng in te hi thlipuiin a chung rangva a hawk sak a ni a, vawiin khan hnatlangin a theih dan ang anga siam\hat a ni. Buhchangphaiah pawh he thli tleh hian chenna in pakhat a tichhe vek a, vanduaina tawktu chhungkua te chu Baptist Sunday School hall-ah dah luh an ni a, in sak \hat sak leh dan tur ngaihtuah mek a ni. Kolasib DC Office-a Disaster Manangement & Rehabilitation Branch-a thawkte pawhin in chhia te hi enin an inkhuh hulna atana hman tur silpoulin an pe a, \anpuina dang la pek theih tur pawh ngaihtuahsak an tum nia thudawn a ni.
