Hemi puala inkhawm buatsaihah Pu Rinsanga chuan, thuneihna an chan veleh he kawng siam a nih theih nan CM a sawipui nghal tih a sawi a, Buarchep chu Assam ramri depa awm a nih avang leh ramri venhimna atan tihhmawsawn chu a pawimawh a nih tih CM in a hriat avangin kawng pawh SEDP sum hmangin siam a ni ta a ni a ti. Pu Rinsanga chuan, kawng siam \hat a ni hian fur laia kawng chhiat avanga harsatna an tawh \hin a sutkiang tawh dawn tih sawiin mipuite pawhin an awlsamphah ngei a beisei tih a sawi a ni.
Pu Rinsanga hian a bial chhung khaw hrang hrang a tlawhnaah Vairengte IOC venga Pu Seiringliana te in kang \anpui nan Rangva Bandel li, Silpauline pahnih(2) leh hnatlâng thingpui inna tur Rs 3000/- a pe a, Vairengte CHC a mitthi dahna In sakna tur leh tuithianghlim dahkhawlna siamna turin MLA fund cheng nuai 3 a hlan a ni. Phaisen IR post a tlawhnaah CCTV bunna tur sum pek an nih tur thu a hrilh bawk.
