He sawi honaah hian Home Department Addl. Secretary, Pi Lalbiaksangi chuan, nikuma sorkar leh All NGO Coordination Committee-in inremna an lo siam tawh angin tun \uma Bru laklet tur hi a tawpna a nih tur a sawi a, Bru hruaikirna atan hian nikuma endikna an lo neih tawh a mi rin tur a ni a. Endikna neih tawh mi \henkhat ‘OTHERS’ tia dah chhungkaw inlaichinna zirchian ngaite chu ennawn leh turin 2nd Phase identification neih leh a ngai dawn a ni, a ti. Bru laklet tur te chu inkaihhruaina bu-in a phut angin an chhuahsanna ngei Assembly Constituency-ah dah let tur an ni a, hemi kawnga hma latu tur Official te chu fimkhur leh uluk taka mahni hna hlenchhuak turin a chah bawk.
Kolasib District-a Bru hruaikir turte dahna tur VCP ten an harsatna tawh dan hrang hrang an sawi a, kawng awlsam zawk leh felfai zawk tur nia an ngaihte pawh rawtna an siam a. Bru dahna tur khaw sawm zinga khaw panga Bukvannei, Meidum, Pangbalkawn, North Thinglian leh Saihapui (K)-ahte Forest plantation an nek chep dawn avangin thuneitu sang zawk hnena thlen a ngaih thu tarlan a ni a, Rastali khuaa chhungkaw 79 dahna tura ruahman chu mimal ram anga chhal a nih avangin endik \hat leh tur a ni bawk. Kolasib District-a Bru hruai kir tur te hi khaw 10-a dah tur an ni a, chungte chu Dilzau-ah chhungkaw 55, Saihapui K-ah chhungkaw 57, N. Thinglianah chhungkaw 157, Hortoki-ah chhungkaw 131, Pangbalkawnah chhungkaw 45, Bairabi Zophaiah chhungkaw 54, Bukvanneiah chhungkaw 45, Meidumah chhungkaw 45, South Chhimluangah chhungkaw 154 leh Zodin Rastali-ah chhungkaw 79 te an ni a. Kolasib District-a Bru chhungkaw laklet tur hi an vaiin chhungkaw 822 an ni a.
