Mipuite hnena thuchah sawiin kutpa chuan Chapchar kut chu Mizote kut hman \hin pathum zinga pawimawh leh ropui tak a ni tih te, hun kalzelah Kristianna mila Mizote nun ziarang leh khawsak phung mil zawnga her rem tak a nih thu te sawiin, hnam zia leh nun te vawng nung chho zel turin mipuite a fuih a, kut thupui Zofate inpumkhatna tih chu ngaipawimawha a ti hlawhtlingtu nih tum turin mitin a ngen a ni. Hemi hnu hian rampum huapa zirtirtu \ha chawimawina dawng Govt. Diakkawn High Sikul Headmaster, Pu GS Zaithantluanga, Indian National Hockey Player Nl. Lalremsiami Hmar, Mizote zinga Bridge Engineer hmasa ber leh Hmarchhak biala Bridge Engineering-a Ph.D hmu hmasa ber, Dr. R. Lalthlamuana leh ICAR Scientist Pu PL Rinsanga te chawimawi an ni.
Kut hmannaah hian zaithiam te an zai bakah leh hnam lam chi hrang hrang entir a ni.
