Mizorama Kohhran hrang hrangten zanin a\ang hian krismas programme an hmang \an. Presbyterian Kohhranah chuan zanin inkhawm atan hian Synod lam a\anga programme duan lawk leh thupui thlan sa a awm lova, kohhran hrang hrangten anmahni \ha tih zawng leh remchan dang angin programme an duang a, nakt<k, Pathianni-ah chuan thupui pahnih – Messia beiseina tih leh Pathian thuchhuak reng reng thiltithei lovin a awm lo ang, tih an hmang ang. Krismas ni, Thawh\anni-ah chuan chawhma inkhawmah Lal thar a piang ta, tih thupui a awm a, chawhnu inkhawmah Remthu leng rawh se, tih thupui an hmang ang a, zanah A ramin kin ni a nei lo ang, tih thupui an hmang ang. Ruai \heh ni, Thawhlehni-ah pawh zan inkhawmah Nausen Isua tlan bopui a ngai, tih thupui an hmang dawn bawk a, hetiang hian Krismas lawmna programme an hmang dawn a ni. Naktip, Krismas ni chu Pathianni anga serhin an hmang ang a, a tuk, Thawhlehni, ni 26-ah ruai an \heh dawn a ni. Kum thar programme pawh Hqrs. lam a\anga duan a awm chuang lova, kohhran tinin anmahni remchan dan angin an hmang ang a, kum hlui thlah zanah zanlai inkhawm nei tur engemawzat an awm bawk a ni. Kum thar ni, January ni 1 pawh kohhran tam berin Pathianni angin an hmang ang a, kum thar lawmna ruai chu a tuk January ni 2-ah an \heh dawn a ni.
Baptist Kohhran pawhin kohhran hrang hrangte tana an Hqrs.-a programme duan an nei chuang lova, tualchhung kohhran hrang hrangten \ha an tih dan leh remchan danin a lawmna hun an hmang dawn a, bial vawngtu Pastor-te chu an bial chhunga kohhran hrang hrangah Krismas hman chhung hian an kal kual dawn a ni. BCM pawh hian Krismas ni chu Pathianni anga hmangin, a lawmna ruai chu a tuk, ni 26-ah an \heh dawn a ni. Kum thar programme erawh chu kum hlui thlah zan a\angin an hmang \an ang a, kohhran tam ber chuan kum thar ni chu Pathianni anga hmangin, a lawmna ruai chu a tukah an \heh dawn a ni.
Roman Catholic Kohhran chuan naktuk a\angin krismas kaihhnawih programme an hmang \an ang a, nakzan, url^wk zanah Vigil Mass an nei ang a, krismas ni-ah chuan zingah Dawn mass leh Day mass te neiin Puithiam ten Lalpa Zanriah an buatsaih dawn a ni. Roman Catholic kohhran engemawzatin krismas ni-ah a lawmna ruai an \heh ang a, a tuka \heh turte pawh an awm bawk a ni. January ni 26 hi Roman Catholic kohhran ni pawimawh Martar hmasa ber, Saints Stephen-a martar ni a nih avangin he ni hi urhsan takin an hmang dawn bawk a, Aizawl Bishop Most Rev. Stephen Rotluanga chuan he ni hi Kulikawna Christ the King Cathedral-ah a hmanpui dawn a ni. Kum hlui thlah zan, kum thar hmuah zan ni bawk, tun thla ni 31 zanah chuan lawmthu sawina inkhawm leh kum thar atana inhlanna neih a ni ang a, a tuk January ni 1 chu ruai \heh ni atan kohhran tam berin an hmang ang a, hemi ni hi Mary, Pathiannu chawimawina ni atan an hmang \hin bawk a, January ni 2-a kum thar lawmna ruai \heh tur pawh an awm bawk a ni.
Salvation Army-ah pawh Hqrs. a\anga krismas leh kum thar hmanna programme an nei chuang lova, Corps hrang hrang leh Society hrang hrangte chuan anmahni remchan danin an hmang ang a, an hruaitute chu hmun hrang hrangah insem darhin an hmanpui ang a, Commissioner Lalzamlova, Territorial Commander leh Commissioner, Nu-i chuan Govt. Complex Corps-ah naktuk Pathianniaah thianghlimna inkhawm an hmanpui ang a, krismas ni-ah Temple Corps-ah hun a hmang ang a, kum hlui thlah zanah Luangmual Vengthlang Corps-ah hun a hmang ang a, Ebenezar Corp-ah kum thar a hmang dawn bawk a ni. Tih dan pangngaiin Corps hrang hrangte hian kum hlui thlah zan zanlai inkhawmah kum thara chanvo nei turte hming leh chanvo tur a puang dawn a ni.
UPC North East India hnuaia kohhran hrang hrangte pawhin anmahni kohhran \heuhah \ha an tih dan leh remchang an tih dan angin krismas leh kum thar lawmna programme an duang a, zanin a\ang hian krismas programme an hmang \an ang a, krismas lawmna ruai erawh chu kohhran engemawzatin krismas ni-ah an \heh ang a, a tuka \heh tur pawh an awm bawk a, kum thar ruai erawh chu kohhran tam berin kum thar ni-ah an \heh dawn a ni. Mizoram UPC pawhin zanin a\ang hian krismas programme an hmang \an dawn a, Krismas lawmna ruai chu krismas ni-ah kohhran \henkhatin an \heh dawn a, a tam zawk chuan krismas tukah an \heh dawn a ni.
