Kaladan Multi Modal Transit Transport Project KMMTTP hnuaia kawngpui sial mek chhunga ram neitu intel khawm ten zangnadawmna pek phutin thla thar a\anga hnathawktute dan an rel. Ram neitu intelkhawmte hi JH.Lorrain Hallah an inhmukhawm a, resolution siamin, KMMTTP kawngpui laih mekah mimal ram laih chhiat sak tawhte leh laih chhiat zel turte hnenah sorkarin Compensation a pek fel phawt loh chuan, kawng laih zel hi April ni 1 a\ang chuan an phal tawh dawn lo tih an sawi a, He kawngpuia hnathawktu RDS leh ARSS Company te leh an hnuaia Sub-Contract a hnathawktute chu an rorel hi zawm vek turin an ngen a ni. Lawngtlai District Land Owners association te hian KMMTTP kawng laih mek hi February Ni 20 a\anga ni 24 thleng khan an lo dang tawh a, hetah hian March ni 15 thlenga Compensation chungchanga Sawrkar hmalakna ngaihchan nise tiin thu an dah a ni. An Pawl President Pu H.Remmawia sawi danin KMMTTP kawng laih mek hian mimal huan lo ram bakah a tih chhiat sak tawh leh a tih chhiat zel tur te, Inhmun, Biak in, Community Hall, SSA Building leh Tui dahkhawlna a tih chhiat tur te chu a vaiin 303 a ni.
