North Korea hruaitu Kim Jong-un a’n missile tih changtlun hna a kalpui mek tih tawp a tum thu leh nuclear ralthuam a en chhinna hmun te pawh khar a tum thu a sawi.
An ram sorkar thuchhuah tarlan danin April ni 21 a\ang chuan nuclear en chhinna zawng zawng leh ram dang kap thei missile tih changtlun hna a kalpui zawng zawngte chu chawlhsan vek a ni dawn a ni. Kim chuan North Korea theihna zawng zawng finfiah a nih vek tawh avangin nuclear en chhin chu a \ulna a awm tawh lo a ni a ti. Hetianga North Korea in nuclear ralthuam chungchang a hmalakna chawlhsan a tum thu a puan chhan hi South Korea leh US te nen inbiakna neih a tum vang a ni thei a, Kim hian South Korea President Moon Jae-in chu kar leh mai khian a kawm dawn a, June thla ah khian US President Donald Trump nen an inbe leh dawn bawk a ni. Ram pahnih te hian North Korea hi nuclear ralthuam tih changtlun hna chawlh san phawt turin an nawr ve ve a ni. Trump chuan twitter ah North Korea hmalakna chu thil lawmawm tak leh hmasawnna lawmawm tak a ni tih a ziak a. Sourth Korea President thupuangtu pawhin North Korea hmalakna chu hmasawnna awmze nei a ni a ti a, hei hian South leh North te inbiakna neih tur leh US nena inbiakna neih chhunzawm turah pawh boruak a tieng hle a ni a ti.
Chanchin Thar Kim Jong-un a’n missile tih changtlun leh nuclear ralthuam enchhin a kalpui...
