China President Xi Jinping-a’n North Korea hi tlawhin Kim Jong-un nen hian an inkawm a, North Korea leh China te hi in\hian \ha tak ni \hin mahse North Korea in nuclear ralthuam tih changtlun hna a thawh chu China hian \ha a tih loh avangin tun hnaiah an inkarah khi a awm a, China hian North Korea hrekna UN-in a puan pawh a thlawp a ni.
Tun \umah hian Xi Jinping hian ni hnih chamin North Korea hi a tlawh a, Kim Jong-un nena an inbiakna boruak hi kar leh maia US President Donald Trump-a nen G-20 Summit-a an inhmuh hunah an sawidun leh dawn a ni.
Kim Jong-un leh Xi Jinping te hian US nen ngaihdan inan lohna hrang an nei ve ve a, China hian sumdawnna kawngah US nen harsatna an neih mek laiin North Korea chuan Nuclear ralthuam chungchangah harsatna a nei mek thung.
