Champhai District-a Khuangthing Branch YMA Kumpuan Committee-in an khaw ram chhunga ram, tin hnih hmun vela a ruka ganja chin chu nimin leh vawiin khan an tichhia. An khaw Branch YMA Vice President, Pu C. Lallianzuala hnen atanga thu dawn danin, ganja hi an khaw ram chhunga Lailak Nikang ramah a rukin an khaw mi vek – Kapkima, Lalvena leh J. Lallawmawma’n an ching a, feet 6 leh feet 7 inkar vela sang deuh vek a ni tawh a, hei hi an hmuh chhuah hnuah Kumpuan Committee chuan nimin leh vawiin khan ganja hi a zung chawpa pawt phawiin an khaw thlengin motor-in an phur a, an khaw thlen hnuah an khaw VCP, Pu B. Lawmkima hovin vawiin khan an hal ral a ni. Khuangthing Branch YMA hian dan bawhchhiaa zu sak leh thlawr lai tam tham tak leh a thlawrna hmanrua an man bawk a, a neitu, Khuangthing khaw mi, Lalrammawia pawh an man tel a ni.
