MS Westerdam hi Asia rama lawng chawlhna hrang hrang 5-ah a luh phal lovin tuipuiah a vakvai kual hman a ni. Lawng dang pakhat Japan-a dah hran mekah chuan a chhunga chuang mi 200 velin coronavirus hi an kai tih finfiah a ni a, hetihlai hian Westerdam lawnga chuang te zingah erawh hi chuan kai an awm lo tih finfiah a ni thung.
Thawhlehni khan Westerdam hi Bangkok lawng chawlhnaah luh a tum a, phalsak a ni lo a, Thai lawng sipaite chuan Gulf of Thailand a\angin an hruai chhuak a, hemi hnu hian Cambodia lam pan lehin Cambodia ah hian Sihanoukville khawpui bul lawngchawlhnaah luh tir a ni ta a ni. A chhunga chuang US mi Angela Jones-i chuan beidawn tawp-a khawmual an hmu leh thei ta chu an lawm hle tih a sawi.
Westerdam hi Hong Kong a\angin February ni 1 khan a chhuak a, passenger 1455 leh thawktu 802 an chuang a ni.
