Pu Robert Romawia Royte chuan, Chief Minister Pu Zoramthanga leh Deputy Chief Minister Pu Tawnluia te hmalaknain Khawzawl Mualvawm Field-ah Phullem phah turin Sanction tih fel a ni tawh tih sawiin hna pawh \an thuai a nih tur thu te, Khawzawl Tourist Lodge cheng nuai 337 vel senna tur kum 2014 a\anga sak \an tawh sum Sanction tawp avanga tun thlenga sak zawh theih loh chu Deputy Chief Minister Pu Tawnluia nen an veithu sawiin a sak zawh dan tur pawh ngaihtuah a nih thu a sawi.
Pu Robert Romawia Royte chuan, Khawzawl Mualvawm Field chu Football Ground tha, International Standard a siam tum anih thu leh Field tharah Tournament ropui tak Sports Department in an buatsaih dawn a, Mizoram chhunga Team tha mai piahlamah Mizoram pawna Team tha te pawh chahluh an tum dawn tih a sawi a. Minister chuan Department a enkawl Sports & Youth Services, Tourism Department leh ICT Department lam atanga tanlak ngai ang chi-ah chuan theih tawp chhuahin District fuke kim leh changtlung tak anih theihnan theih tawp a chhuah a tum thu a sawi a. Sawrkar tawiawm thin turin Khawzawl leh a chhehvel mipuite Sawrkar tawiawm turin a sawm a. Mizoram State Games ropui tak neih ngei an tum thu leh State Games atana inbuatsaihnan Mizoram District Games buatsaih an tum thu te, Mizoram Sports Policy mumal tak duan an tum thu te a sawi bawk. Pu Robert Romawia Royte chuan, Khawzawl chu MNF in thuneihna a chan hmasak a District atana a lo puan tawh tihpuitlin loha awm chu Sorkar tharin fuke kima piantir a tum tih a sawi bawk.
Chapchar Kut lawmnaah hian Khawzawl Joint YMA huam chhunga Branch YMA hrang hrang ten hnam lam chi hrang hrang an entir a, Khawzawl Officers Club bultumin Chapchar Kut Miss thlan a nih bakah intihhlimna hun hman a ni bawk. Minister hi Pu C Lalmuanpuia MLA in a \awiawm a ni.
