PWD hotute hnen a\anga thudawn danin, Inrinni khan kawng bal helna tur hi thawh nghal a ni a, tlai lamah lirthei te chi tlang theiha laih tlang nghal a ni.
Zirtawpni tlai dar 3-4 inkar vela Buichali leh Khamrang Gas Bottling plant inkar, Huanmawi bul kawngchhak lam leimin-in NH 54 kawng a hnawh pawh a thenfai hna thawh chhunzawm zel a ni a, leimin hi a nasat avangin lirthei kaltlang theiha sial tlang theih hun tur erawh a la hriat theih loh a ni.
Lei tla hi a tawn tawnin khawl lian chi hmanga thenfai hna thawh a ni a, leimin hian lung lian tak tak engemawzat a tlakpui avangin khawl hmanga hai sawn hleih theih loh te chu hal darh a \ul dawn a ni.
Mualkhang bula leiminin NH 54 a hnawh avang hian a helna, Kawngpui a\anga Durtlang lam kawnga lirthei tlan dan tur thupek Kolasib SP in a ti chhuak nghal a, motor lian a bikin Buhfai, eirawngbawlna gas leh tuialhthei phur te chu Aizawl panin zing dar 7 a\anga tlai dar 3 thleng Kawnpui lam a\angin Durtlang lam kawngah an tlan phal a ni a, 407 truck chin hnuailam erawh engtiklai pawha an tlan phal a ni thung.
