Khawzawl khawpui tui rinpui ber la ni mai tur, Khawzawl Greater Water Supply Scheme chawmtu Tuichang lui humhalh hnatlang neiin, Khawzawl Group YMA hruaitute leh PHE Division Khawzawl Staff te an thawk chhuak a, Group YMA hruaitute hi an President Pu PC Rosiama’n hovin PHE Staff te hi E.E. Pu Lalzakhama’n a kaihruai a ni.

Tuichang lui humhalh hnatlangah hian Khawzawl Greater Water Supply Scheme tui Pump chhohna tuikhuah a\anga lui hnar lam Metre 600 leh lui thlang lam Metre 200 chin chu ngaih pawimawh bikah an nei a, Group YMA leh PHE Department in an humhalh tih lantirnan thing leh hmun remchang dangah te rawngin chhinchhiahna an siam a, chhinchhiahna hi luidung Km. 10 aia thui an siam dawn a ni.

Tuichang lui hi Khawzawl GWSS chawmtu tur anih vangin lui dungah damdawi, tur, Ru leh Chinai hmang te-a sangha man an khap a, Khawzawl Group YMA leh Kawlkulh Group YMA humhalh lai a nih bawk avangin luidung nungcha te hi eng hmanraw hmang maha man an khap tih Khawzawl Group YMA leh PHE department te chuan an sawi.