Khawzawl Group YMA Rorel Inkhawm vawi 2-na hi nimin a\ang khan Arro khuaa Pandal sakah neih a ni a, an thurel zingah Khawzawl Group YMA huamchhunga Sorkar Pisa hrang hranga thawktu indaih lohna phuhruk anih theih nan Group YMA in hma la rawh se tih te, Airgun hmanga Sava kah khap mek chu chak zawkin bawhzui ni rawh se tih te, Khawzawl District huam chhunga Group YMA dangte sawmin Cultural Meet buatsaih ni rawh se tih leh Khawzawl Group YMA-in Tuichang Fin li a\anga Lawibual inkar a humhalh mek chu en\hat ni rawh se tih rel a ni a, hei hi Group YMA Executive Committee kutah dah a ni.
Nizan khan YMA kumpuan, ‘Zirna Uar’ tih chu Khawzawl District Bawrhsap, Pu H. Lianzela’n a hawng a, palaite thlahna hun hman nghal a ni. Khawzawl Group YMA Rorel inkhawmah hian nikum May thla a\anga kumin February thla thlenga an Member boral mi 46 an sun a, Report a\anga a lan danin Khawzawl Group YMA huam chhungah hian YMA Branch 20 awmin, Member 8,321 an awm mek a. Nakkuma Khawzawl Group YMA Conference chu Khawzawl Kawnzar branch-ah nghah a ni a, Rorel Inkhawmah hian palai 265 an tel a ni.
