Nimin khan rorel inkhawm neih a ni a, hetah hian rorel palaite chuan nungchate humhalh a nih theih nan Airgun khuahkhirhna dan sorkarin siam rawh se tih an pawm a. An rorela langsar zingah Khawzawl Damdawi In Compound chhungah Group YMA hmingin khualbuk sak ni rawh se tih te, ramngaw leh nungcha humhalhna kawngah chak zawka hmalak a nih theih nan Awareness tam zawk neih dan zawn ni rawh se tih te, Tualte leh Bungzung inkar kawng a tlang theih nan Group YMA-in hma la rawh se tih te, PHE tuilak tih thianghlimna atan Khawzawlah tui Filter-na lian dah tura hmalak ni rawh se tih te, Sub-Hqrs. huamchhungah ruihhlo do chak zawka kalpui thei turin Sub-Hqrs. YMA-in hma la rawh se tih te, ILP pek chhuak a nihin Sponsor tute address kimchang leh contact no. tarlan a nih theih nan Central YMA-in hma la rawh se tih te a tel a ni.
Khawzawl Group YMA Conference hi Central YMA Assistant Secretary Pu Peter Chhakchhuak leh Champhai Sub-Headquarters YMA President Pu VL Chama Hnamte ten an hmanpui a. Khawmpuiah hian thupui atan ‘Ram leh hnam humhalh’ tih hman a, nakzanah a \iak ang.
