Tukin dar 6:00 atang khan chhun dar 12:00 thleng Khawzawl khawpuiah chuan Bazar hun hawn a ni a, hemi chhung hian chhungkaw aiawh mi pakhat zelin chhungkaw mamawh hrang hrang te an lei khawl a. Kar leh atang chuan Bazar hun hi Thawhlehni, Ningani leh Inrinni-ah te zing dar 6:00 atanga chawhma dar 10:00 thleng hawn \hin a ni dawn a, Khawzawl khawpui chhungah hian tun dinhmunah Alu lei tur a awm tawh lo a, nimina Report thehluhah chuan Buhfai Bag 255 a awm thung a ni. Khawzawlah hian chhungtin ten rualkhai zawk a mamawh an lei theihna turin chhungkaw khat tan Buhfai Kg. 10, Tel Litre 2, Dal Litre 2, Bawnghnute Litre 2 leh Chini kg 2 zela hralh chhuah a ni.
Kawlkulh YMA chuan nitin mamawh chi hrang hrang Essential Commodities phur lirthei lian te chu an chaw ei turte ngaihtuahsakin harsatna engemaw thleng palh theiah mipui mamawh phurte hi an ngaihven reng a ni.
Khawzawl Damdawi Inah tun dinhmunah Quarantine mi 1 a awm a, Sialhawk khuaah an zin chhuah avanga Quarantine mi 19 an awm mek bawk a. Hengho bak hi chu tun dinhmunah, Khawzawl District huamchhungah Quarantine Centre a dah an awm lo a ni.
