|hutkhawm kaihruaitu Sub-Division Level Task Force Chairman Pu Lalsanglura, Tlabung SDO (C) ni bawk chuan, Tlabung chu he hrileng laka himna tura beihpui thlak hmasakna pawl a ni tih sawiin, ramri bula awm a nih avangin screening point pawh Mizorama bun hmasak berna pawl a ni tih a sawi a, ram chhungah he hri a len ve lohna turin theihtawp an chhuah tlan a tul tih a sawi.
Senior Medical Officer Dr. R Lalnienga’n he hrileng chungchanga hriattur pawimawh bakah, tun dinhmuna hmalakna an kalpui mek dan a sawi a, Kawrpuichhuaha screening point-ah mi 225 endik an nih tawh thu leh tun dinhmunah he hri vei rinhlelhawm an la awm loh thu a sawi.
Thutkhawmnaa telte hian, ramri dep Kawrpuichhuaha screening point awm sa bakah, Tlabung khaw chhunga Licheng leh Missionary Kaiah te screening point dang hawn belh an rel a, helai hmuna duty tur hian Tlabunga department hrang hrang – SDO (C), SDPO, DFO, PHE leh P&E bakah PWD-a thawktute chu a remchan anga pawh khawm tum an ni a, ramri-a veivakte lo endikna tur khawl Infrared Scanner chu Tlabung SDO (C) Pu Lalsanglura’n a tum dawn a ni.
