He khawl hi Israel Aerospace Industry leh French company \angdunin an siam a ni a, Delhi a\anga Mumbai pan tur Air India thlawhna chu runway-ah hlawhtling takin a tlan pui a ni.
Taxibot hian thlawhna khawl tihnun kher ngai lovin runway a\anga thlawk chhuak tur a pui thei a, hei hi a siamchhuaktute chuan thlawhna thlawk turin runway-a a tlan laia tuialhthei a hman zaa 85-in a tihniam thei nia an sawi bakah ri bengchheng pawh zaa 60 velin a tlahniam thei niin an sawi. Taxibot hian thlawhna \um pawh runway a\angin a dinna hmun thleng a hruai thei a, amaherawhchu, India chuan thlawk chhuak tur atan chauh a hmang rih dawn a ni.
