Police hotute chuan, ramdang leh State dang nena inrinaa khan lun zual 38 Mizoramah a awm tih an sawi a, khan \henkhat chu Police awm tawhna te a nih thu sawiin police la awm lohna hmunahte duty dah chhoh mek a nih thu leh hmun tam zawkah chuan an dah tawh thu an sawi a, venhimna kawngah hian khawtlang hruaitute puihna ngen an nih thu an sawi a, naktuk lamah chuan duty hi an indah kim hman an beisei thu an sawi a ni.
Chief Minsiter Pu Zoramthanga hova Cabinet minister leh sorkar mipawimawhte Thawh\anni-a \hukhawmin Coronavirus, Covid-19 laka Mizoram a him theihna turin ramdang nena inrina, international border khar an rel a, State dang nena inrinaah pawh mipuite ei leh bar lakluhna ti buai lo zawnga ramri khuahkhirh dan tur an ruahman a, Assam atanga Mizoram lut turte chu Vairengte leh Bairabi ah chauh luh phal a ni a, Manipur atanga lut tur te Khawkawn (Ngopa lam)-ah, Tripura atanga lut tur te chu Kanhmun atang chauha luh phal a ni.
