Khawvela Coronavirus tuar nasa tak Spain-ah chuan inkharkhip khauh taka kalpui chu thlahdul \an a ni a, ram chhung sum dinhmun a derthawn lutuk loh nan thil siam chhuahna hmun te, construction leh sumdawnna hmun \henkhatte invenna \ha tak hnuaiah hnathawk theia hawn \an a ni.

Hetihlai hian hnathawk tura chhuah phalsak chinte tih loh chu pawn chhuak lova inkhung zel tura tih an ni a, Spain health ministry chuan coronavirus vangin nitin mitthi an pung zel tih a sawi a, darkar 24 chhungin mi 619 an thi a, hemi hmalam hian ni thum chhung a zawnin mitthi zat a tlakhniam avangin ziaawm lam an pan chho turah an ngai hman a, amaherawhchu, nimin lamah mitthi zat an pung chho leh a ni.

Spain Prime Minister, Pedro Sanchez chuan coronavirus laka hnehna an puan theih hun tur a la hla deuh tih a sawi a, mitinin pawn chhuah theih hun nghakhlel mahse thil \ha ber a la nih loh avangin mipui kharkhip chu chhunzawm zel a la ngai tih a sawi.