Khawvela bungrua a mala hralh chhuaktu sumdawng, retailer lian ber Walmart Inc chuan India rama a sumdawnna inrelbawl dan tihdanglam nan India executive 56 a ban a, an zingah senior management mi 8 an tel.

Walmart chuan India Unit-a CEO leh President ni bawk Krish Iyer chuan an sumdawn dan thlirletna-in a phut angin tling taka thil an tih theihna tur kawng a zawng tih a sawi a, chumi tichiang tur chuan hna an thawk tih a sawi bawk. Walmart hian Indian e-commerce firm-a shareholder lian ber a nih theih nan Flipkart nen thla 18 kalta khan US dollar tluklehdingawn 16-in inremna an lo nei tawh a ni. Lyer chuan India rama hnathawktu ban chu ram chhunga technology lama an hnathawh pumkhatna tura tih a ni a ti.