China-in nimin khan coronavirus kai thar mi 108 a nei leh a, kar khat chhunga hri kai thar an tam ber \um a ni a, a kai te hi ramdang mi deuh vek nia sawi a ni.
Italy-ah chuan nimin kha kar thum chhunga mitthi an tlem ber \um a thleng a, hei vang hian Europe-ah hian hri leng a ziaawm deuh beiseina a lian chho hle.
New York-ah chuan mitthi an la pung chho zel a, amaherawhchu, damdawi ina dah luh zat an tlahniam thung a, Governor Andrew Cuomo chuan coronavirus leng an tawn san hun lai ber a thleng \ep tih a sawi a, US chu khawvel puma Coronavirus kai damlo tamna ber leh thihpui tamna ber a ni mek a, mi nuai 5 sing 5 sang 6,044 zingah mi sing 2 sang 2,073-in an thihpui a, mi sing 4 sang 2,735 enkawl dam an ni tawh a, mi nuai 4 sing 9 sang 1,236 enkawl mek an ni.
Scientific adviser ten UK sorkarin coronavirus leng a hmachhawn dan chu sawiselin UK chu Europe-a coronavirus-in a tihbuai ber ram a ni thei dawn tih an sawi a. UK-ah hian nimin thleng khan damdawi ina enkawl lai mi sing 1 an thi tawh a, Royal College of Surgeons vice president, Sue Hill chuan UK-a mitthi zat chu sing 3 an tling thei mai ang tih a hlauhthawn thu a sawi.
