Khawvel ram hrang hrang sorkarten hri leng vanga economy tlachhe mek ven an harsat hle a, mi maktaduai 2.8 dawnin an kai tawh a, ram tam zawkte chu an inkharkhip mek a ni. He hri leng darh chak tak enkawlna rintlak hi hmuhchhuah a la ni lo va, UN hotute chuan hmuhchhuah vat anih theih nan khawvel pumpui thawh ho a ngai a ni an ti.
UN secretary General Antonio Guterres chuan khawvelin hetianga hmelma in\awm hi a la neih ngai loh avangin khawvel ram hruaitute leh private sector te chu \angrual turin a sawm a, vaccine chu a himin, a tlawm tur a ni a, mi zawng zawng hman theih turin a awm tur a ni tih video hmanga conference an neihnaah a sawi.
He conference-ah hian Germany leh France hruaitute pawh an tel a, tel lo langsar zingah China leh United States te an tel a ni. US hi WHO laka a lungawi loh avangin conference ah hian a tel lo a., hri leng chungchangah a hlauhawm dan rang taka puangzar lovah leh a tih tur ti tawk lovah WHO hi a puh a ni.
