US leh UK ah te nikhat thil thua coronavirus thihpui an tam ber \um a thleng a, US ah mi sang 2 dawn an thi a, UK ah mi 938 an thi a ni. US ah hian mi sing 1 sang 4600 chuangin an thihpui tawh a, Italy dawta tihpui tam ber ram a ni tawh a ni.
France-ah pawh virus thihpui hi mi sing khat an chuang tawh a, mipui kharkhipna thupek khauh leh zuala kenkawh an tum a, Spain leh Italy ah pawh thihpui an la tam hle.
Italy pitar pakhat kum 103-a upa, Coronavirus kai, dam chhuak leh ta Ada Zanusso chuan chhelna leh rinna nghet neih chu an dam chhuah chhan a ni a ti a, Italy leh France te hi Europe-a kum upa tamna ram a ni a, Zanusso hian TV kaltlanga amah an kawmnaah a dam \ha tih a sawi a, TV te enin, newspaper te pawh dan pangngaiin a chhiar leh thei tawh tih a sawi.
New Zealand ah chuan hapta thum deuh thaw mipui kharkhipna thupek kenkawh a nih hnuin coronavirus kai thar an tlahniam a, nimin lam khan a kai thar mi 29 chauh an nei a, hemi hmalam pawh hian a kai thar zat hi a ni zawnin an lo tlahniam tawh a ni.
South Korea ah pawh kai thar zat an tlahniam zel a, Korea Centers for Disease Control and Prevention sawi danin vawiin lamah coronavirus kai hmuh chhuah thar mi 39 an awm a, hengte nen hian hrileng kai hi mi sing 1 leh 423 an awm tawh a, 204 in an thihpui a ni.
South Korea-ah hian huam zau zawka test an kalpui bakah hrileng kai thei awmte khung hran leh vilzui lamah \an an la nasa a, hrileng darh zel tur khuahkhirhna atan an hlawhtlinpui hle a ni.
