Mitthi zat a\anga zaa 90 chuang chu Hubei Province-a cheng an ni a, he bial hi China rama he virus lo darh chhuah \anna a ni a.
Hetihrual hian khawvel ram dang 10 ah he virus thihpui hi an awm tawh a, Iranah chuan mi 50 in an thihpui tawh a, Italy ah mi 30 in an tihpui tawh bawk.
Khawvel pumah coronavirus kai finfiah zat hi 90,000 an tling \ep tawh a, China ram chhung aiin China pawn lamah a darh chak tawh zawk a ni.
World Health Organisation chuan he virus kai zinga a tam zawk chuan hritlang satliah angin an tuar tih a sawi a, a hrik kai te zinga zaa 2 a\anga 5 inkar velin an thihpui a ni. He natna tlukpui dang Severe Acute Respiratory Syndrome SARS leh Midle East Respiratory Syndrome MERS te aiin tuna Covid-19 hi thihpui an tlem zawk hle thung.
China ram chungah a darh chak dan a ziaawm zel laiin, khawvel ram dangah erawh a darh chak zual thung a, Italy ah chuan a kai thar zat hi darkar 48 chhungin a letin an pung a, virus kai finfiah 1694 an awm tawh a, thihpui 34 an awm tawh a ni. UK ah pawh virus kai hi mi 36 finfiah an ni tawh a, Prime Minister Boris Johnson chuan \hutkhawm hmanhmawh a ko nghal a ni.
China pawn lama virus kai an tamna ber pakhat South Korea ah pawh a kai thar mi 476 an awm leh tawh a, hengte nen hian virus kai finfiah tawh chu mi 4212 an tling tawh a, thihpui pawh 26 an awm tawh a ni.
