Aizawl District Magistrate-in Aizawl khawpui, AMC area chhungah mihring pawn chhuah a khapna thupek hi nizan dar 9:00 a\anga khan thu leh awm hmaa hman tur a ni a. He khuahkhirhna thupek hi curfew tia sawi \hin ang kha a ni.
A huam loh tur te: State Level Task Force on CoVID-19 member te, Local Level leh District Level Task Force member te, CoVID-19 do kawnga sorkarin hmala tura a ruat bik te, Sorkar hnathawk essential commodity leh service khawih tura thawk chhuak te, Army, BSF, CRPF, Assam Rifles leh BRTF duty te, Magistrate leh Police duty, Hospital-a thawk te, PHE tui sem leh tui phur, Chanchinbumi accreditation nei leh electronic media cameramen leh reporter te, AMC hnuaia bawlhhlawh paih, Petrol pump leh LPG semtu, Essential commodity semtu, Bawnghnute sem leh District Magistrate leh Sub Divisional Magistrate in phalna an pek te an ni. Heng bakah hian khuahkhirhnain a huam loh turte hi vawiin lam khan District magistrate hian a tih chhuah belh leyh a, chungte chu:
Treasury-a thawk te, Home guard duty te, Fire and Emergemcy services duty te, Power leh electrict line buaipuitute, Bank hnathawk te, DDK leh AIR-a thawkte leh Prison Duty te an ni.
District Bawrhsap, Pu Vanlalngaihsaka’n inkhuahkhirhna dan khauh zawk a tihchhuah avang hian vawiin khan ni dang zawng aiin khawlai a reh lehzual.
Nizan a\ang khan khawpui chhung veng hrang hrangah venhim hnathawktu Police leh Local Level Task Force hotute zankhu-in khawlaia chhuak tur leh lirthei vei vak tur vengin an duty nghal a, khawlai pawh a reh phah hle.
Veng hrang hranga Duty, Police-te chuan, thupek thar chhuah hnu hian tlaivarin an duty \an nghal tih an sawi. Zan lama Duty-te chu zan dar 6 a\anga zing dar 8 thleng leh, chhun lama Duty-te chu zing dar 8 a\anga tlai dar 6 thleng an Duty a ni. Police-te hian, an Duty na veng hrang hrang khawtlang hruaituten an ngaihsak hle tih an sawi a, ei leh in tur an chhawp sak \hin chu an lawm hle tih an sawi.
Aizawl khawpui chu a rehin, lirthei leh mihring che vel hmuh tur a awm meuh lo a ni.
