Covid-19 hi sorkar damdawi leh private lab tlemteah a test theih a, amaherawhchu, sorkar damdawi inah te chuan thui tak tak intlar a ngaih \hin avangin he natna hi a darh phah thei tih mithiamte chuan an sawi a, Covid-19 vei awmna hmuna zin te leh Covid-19 veite nena inkungkaihna nei te chu inentir rang turin an chah thung a ni.
Covid-19 vei nia inringhlelten an biakpawhna tur helpline sorkarin siamah chuan bia-a, in lama sample test tur la tura koh turin mithiamte chuan thurawn an pe a, Covid-19 test tur sample hi hnar leh hrawk a\angin lapua-in an la a, inchiu a ngai lo a ni.
Mithiamte chuan sample la tura lab-a thawkte in lama an kal hreh chuan mahni in \heuha inkhung hrang turin an chah a, damdawi ina rei tak intlar a ngaih chuan chu damdawi in chu pan lo turin a ti a, rei tak an intlar chhung khan Covid-19 veite a\angin a kaichhawn theih tih an sawi a, loh theih loha damdawi in pan ngai an nih chuan mipui zinga intlar lo tur leh hmaituamna hmanga, hand sanitizer pai turin an chah bawk.
Covid-19 sample test chhung hi ni 4 te nghah a ngaih \hin vangin chumi chhung chu inkhung hrang hram hram turin mipuite an chah a, damdawi in a\anga inkaichhawn chu thil awlsam tak a nih vangin tihluihna hmanga damdawi ina inkhunghrang tura innawr lo turin mipuite an chah bawk.
Kum upa lamte chu an chak tawk tawh loh vangin an bul hnaia khawsa tam lo turin leh mahni in \heuhah pawh inhnaih taka awm lo turin mipuite chu chah an ni a, in leh a vel te vawng thianghlim turin an ngen bawk a ni.
