UN hotulu Antonio Guterres chuan kawthlerah leh online lam thlengin ramdangmi ngaihtheih lohna leh huatna te, Muslim sakhaw betute huatna te a thleng mek tih a sawi a. Ram hrang hrangte lungrual taka tanrual a ngai a ni a ti.
Europe leh US-in hri leng \aidarh zel tur ven nana inkharkhip a kalpui chu a thlahdul tan a, hriselna lama mi thiamte chuan inkharkhip thlahdul vangin hri leng thawhna hnihna an hmachhawn chuan thil pawi tak a thleng thei tih an sawi a, WHO chuan kum khat chhung lek Africa mipui sing 8 leh sang 3 a\anga nuai 1, sing 9 vel coronavirus vanga nunna chan an awm thei tih a sawi a, hei bakah hian hemi hun chhung vek hian inkharkhip khauh taka hman zui a nih loh chuan mi maktaduai 29 leh maktaduai 44 inkar velah hri hi a darh thei tih a sawi bawk.
Hetihlai hian Russia-ah chuan coronavirus kai mi nuai 1, sing 7, sang 7 kai an awm chho a, France leh Germany khumin khawvela hri kai awm tam lamah 5-na dinhmun a luah mek a ni. Japan-ah chuan in tina sum hmanral zat chu March thla khan zaa 6-ah a thla hniam a, hunbi pangngai baka hnathawh hun chhunga sum an lakluh chu za 4.1-in a tla hniam bawk.
