A hmanpuitu Social Welfare Department Secretary Pi K Vanlalrawni chuan, rualbanlo an ni emaw mipanngai an ni emaw an theihna leh tih theih chin a in ang lo niin a sawi a, rualbanlote pawhin thil tam tak an tih theih thu sawiin an theihna te haichhuahsak thiam a pawimawh tih a sawi. Pi K Vanlalrawni chuan sorkarin rualbanlote tan hna zaa 4 a hauhsak niin a sawi a, hei bakah an hamthatna tur hrang hrang scheme tam tak a awm tih sawiin heng Scheme te hi an hmuh theih nan Sorkar pawhin hma a la niin a sawi bawk.
He inkhawmah hian Durtlanga Special Blind School naupang zaipawl te, Vaivakawna Mizoram Deaf School naupangten an thiam thil an entir bakah intihhlimna an nei bawk a ni.
Inkhawm hi Social Welfare Deptt. Director, Pi laldikkimi’n a kaihruai a ni.
