Khawvel pum huapa ruihhlo leh a tawlh ruk dona ni-ah school naupang te damdawi laka fihlim turin an intiam.
Khawvel pum huapa ruihhlo leh a tawlh ruk dona ni, International Day Against Drug Abuse & Illicit Trafficking chu vawiin khan Social Welfare Department bultumin Aizawl sipai lammualah hman a ni a, Kum 2017 HSLC Topper Lalremsiama Darchhun kaihhruaiin, Zirlai kalkhawmte chuan ruihhlo laka fihlim turin thu an tiam a ni.
Inkhawma thuchah sawitu Chief Minister Pu Lal Thanhawla chuan ruihhlo chu ram hmasawnna ti \huanawptu leh mihring hrisel lohna thlentu, khawtlang tibawlhhlawhtu a nih thu sawiin, a do hna chu mitin mawhphurna a ni a ti a, ruihhlo do rem turin \halaiten ruihhlo laka filhlim duhna leh tumna rilru an put a pawimawh hle a ni, a ti. School Education Minister Pu H. Rohluna pawhin thu sawiin naupang zinga ruihhlo laka invenna thuchah sawi tam leh inzirtir tam chu thil hmanhmawh thlak a nih thu a sawi.
Lammual inkhawm-ah hian Higher and Technical Education Minister Pu R. Romawia leh Deputy Speaker Pu R. Lalrinawma te bakah sorkar department hrang hrang hotu te leh school hrang hrang zirlai \hahnem tak an tel a ni.
