Khawvel hmun hrang hrang a\angin he sakhaw hunpui chhim tur hian mipui an fuan khawm a, sakhaw mi te, politician te, khualpangzinte nen mi nuai tel tam tak an pungkhawm tawh a ni.
Ni 8 chhung awh tur, Kumbh Mela hi mi maktaduai 150 zetin an chhim an beisei tih thuneitute chuan an sawi a, ramdangmi he kutpui chhimtu pawh maktaduai tel an tlin rin a ni. Culture Ministry hotu Mahesh Sharma chuan Kumbh hi sakhaw thil leh hnam ziarang pholanna inkawp a ni a ti a, India hnam ziarang hausakna leh mawina te chu pholan a ni dawn tih a sawi. Naktuk, a \anniah he kutpui chhimtu sakhawmi maktaduai tel zet chu zing dar 4 a\angin Ganga lui tui vawtah an inchiah \an dawn a ni.
Mipui pungkhawmte hman tur hian lei laklawk te dawh anih bakah mipui nawlpui in\awm tur eirawngbawlna 600 chuang leh inthiarna chawisawn theih nuai chuang dah a ni a, he sakhaw hunpui chhim tura thawk chhuak zinga tam tak chu lui kam tuakah puanin inkaih chawpin an riak a ni.
