Khawbung khaw bul Tlaikuang Tlanga sulhnu hlui haichhuah thar an tlawhnaah Superintending Archaeologist Dr. Sujeet Nayan, chuan khawchhak tlangdung hmun hrang hranga sulhnu hlui an hmuh leh tlawhte chu Vangchhia ami nen inzawmna nei kual vek a nih thu a sawi a, lunga a pawng leh a khuara milem kerte chu Mizo pi leh pute nun ziarang pho chhuaktu vek a nih thu leh, hun rei tak ata Mizoram hi an lo luah tawh nia a lan thu a sawi.
Lunghriam hun hnuhnung lama an hmanrua (Neolithic tools) Sazep khaw hnuaia hmuh lo ni tawh te, Vangchhe Excavation-a hmuh a ni leh te chuan mithiamte thil chhui tur tam tak a chhawp chhuak dawn tih Dr Surjeet Jayan hian a sawi a. Khawbung Tlaikuang Tlanga hmunhlui lunga milem ker leh lung inrem – ralven bang niawm tak te chu Vangchhia nen inanna thui tak nei a nih thu a sawi.
Senior Archaeolgist Sunita Tevatia hova thawk chhuak – Archaeological Survey of India Guwahati Regional Office leh Aizawl Circle a\anga mithiamte hian hmun hlui pawimawh 4 Lianpui, Dungtlang, Farkawn leh Lungphunlian amite “Centrally Protected Monument” atana puan turin an zir chiang mek a ni.
Hetihlai hian Dungtlang-a Pipu Sulhnu Humhalhtu Pawl chuan ASI te hmalaknaah humhalh bika puan anih chuan nakin zelah harsatna an la tawk thei dawn niin an sawi a, Vangchhia-a sulhnu hluite nih phung chanchinbu \henkhatah dik lo taka tarlan a lo ni tawh bawk tih sawiin, Dungtlang khuaa sulhnu hlui te Mizoram sorkar leh zirna in te la zir chian tura dah an duh zawk thu ziakin ASI hotute hi an lo hrilh a ni.
