Khawchhak tlangdung Saitual, Khawzawl, Champhai leh Darlawn tlangdung-a kawlpheta pekna chhia siam\hat hna thawh mek a ni a. Inrinni kalta tlai dar 3 vela thli leh leh ruah nasa taka thawk khan Aizawl -Saitual inkar 132 KV line a ti chhia a ni.

Engineer-in-Chief Lalduhzuala Sailo hovin, engineer rual ten hnathawh mek hi an tlawh a, Khua a thata tum anga hna an thawh theih chuan kar khat chhung chuan zawhfel hman an inbeisei thu an sawi. Kawlphetha pekna banpui (tower) tlu, tung leh tura mamawh hrang chawk luh dan turte pawh dept hotute hian an sawiho nghal a ni. Aizawl -Saitual 132 KV hian Saitual, Khawzawl, Champhai, Darlawn tlangdung te a chawm a, heng khua a eng inpek chhawk chhung hian P&E dept. chuan power heh chi hmanrua te hmang lo turin mipuite an ngen a ni.