Hemi puala inkhawm State Tax Auditorium-a buatsaihah thusawiin Pu Lal Thanhawla chuan sorkar kum kal mekah sorkar department hrang hrang tichangtlung tura hmasawnna ruhrel hmuh tur awm chu hnathawktute inpek vang niin a sawi a, Taxation Department chu Mizoram sum hmuhna department pawimawh tak a nih avangin ngaihpawimawh niin a sawi a ni. Chief Minister chuan Mizoram sum dehchhuah punna chhan chu NLUP \anpuina dawngtute thawh chhuah pun vang leh sorkar hnathawkte inpekna vang niin a sawi a, Mizoram chu ram puma State GSDP \hang chak ber pali zinga lang phak a ni tih sawiin, Per Capita Income-ah chuan Mizoram chu national average aiin a sang zawk a, chaw khawpkhamlo awm tlemna ber state-ah Mizoram chu thlan a nih thu te, state te 12 zingah inrelbawlna \ha ber, “Best Governend State”-ah puan a nih thu a sawi bawk.
State Tax Zonal Office Building hi NEDP sum cheng nuai 443.14 senga chhawng 5-a sanga sak a ni a, hetah hian Taxation Department Zone-I leh Zone-II Office a awm anga, Deputy Commissioner-in a ho dawn a ni. Kumin sorkar kuma Taxation Department-in chhiah a\anga sum a hmuh tur sorkarin a bituk a\anga za zela 64 a hmu tling tawh a ni.
Inkhawm hi Depratment Secreatry, Pu Vanlalchhuanga’n a kaihruai a, Taxation Minister Pu Lalsawta leh Irrigation & Water Resources Minister, Pu KS Thanga te pawhin thu an sawi bawk.
