Supply Department hotute chuan, lirthei lian tlan loh chungchangah hian an thawhpui Carrying Contractor-te hnen a\anga hriattirna engmah an dawn loh thu an sawi a, tun dinhmunah tuialhthei bik chu Petrol pump hrang hrangah ala tam tawk avangin khuahkhirh ngai ala ni lo tih an sawi.
Supply Department chhinchhiah danin, tukin dar 10:15 thleng khan Aizawl khawpui leh a chhehvel Petrol Pump 18-ah Petrol pangngai litre 1,74,472, Extra Premium litre 54,528 leh Diesel 2,25,549 a awm a, hei hi Aizawl khawpui mamawh engemawchen phuhru tura ngaih a ni a, mahni hman tawk bak, a ruka lo chhekkhawl an awm a nih loh chuan, lirthei lian tlan rih lo mah se, hun engemaw chen chu harsatna thleng lo tura ngaih a ni, an ti.
Treasury Square-a Mizofed Petrol Pump chuan vawiin a\ang khan tuialhthei hi a khuahkhirh nghal thung a. Hemi chungchang Zonet zawhna chhangin Pump enkawltute chuan, an hnen a\angin Department engemawzat Coupon hmanga Petrol leh Diesel lei lawk an awm a, tunah hian tuialhthei chhekkhawl sa duhthusama tam an neih loh avangin heng mite tan hian an neih sa chu khek a ngaih vang a ni, a ti.
Eirawngbawlna Gas-ah pawh tukin khan Aizawl khawpui chhehvela LGP Distrbutor 11 zinga 7-in Gas hi an ti thleng a, an zinga 3 chuan Truck Trip 2 an ti thleng a ni.
