Libyan chhungkaw pahnihin thubuai an thehluh hi kum 1991-a dan siam, the Torture Victim Protection Act rinchhana ngaihtuah tura dah a ni a, he dan hmang hian a tuartu chhungkuate chuan misualte chu court-ah an khing thei a ni.
Kum 2014, October thla khan Haftar chuan Libya khawpui, Benghazi-ah beihpui a thlak a, hei beihpui hi Operation Dignity tih a vuah a, mi pawisawi lote chenna in beiin, chhungkaw pahnih a\angin mi 6 a that a ni.
Haftar-a chet dan hi chhui zui a ni a, anmahni hektu, Ibrahim al-Krshiny chu manin electric hmangin an sawisa a, a mitah hliam na tak a tuar a ni. Chhungkaw pakhata unau mipa rual 6 te pawh manin Islamic State member-ah an puh a, pahnih an that a, Al-Krshiny erawh an chhuah a, mahse a mit lehlam an tihchhiat sak vek a ni.
Haftar hi Libya President hlui, Muammar Gaddafi hnuaiah lieutenant a ni \hin a, kum 1987 khan tlanbovin US-ah a pem a, US khualehtui nihna neiih CIA-ah a thawk a, Virginia-ah kum 20 chuang a cheng a ni.
Kum 2011 khan Gaddafi a thih hnuah NATO rawn inlarin Africa ramah indona a chhuak a, Haftar chu hetihlai hian Libya-ah letin LNA a din a, a thuneihna hnuaiah a fapate chu sipai hotu-ah a dah a, rawng takin an che \hin a, nunau pawisawilote sawisa-in an thah \hin a ni.
US khualehtui an nih vangin US court-ah Libya chhungkaw pahnihte hian thubuai an thehlut a, an ukil Kevin Carroll chuan ram dang daiha intihbuaina leh inthahna te chu US Court-in rem thei lo mahse Haftar te chu US khualehtui nihna neitu an nih vang leh in leh lo tam tak US-a an neih vangin an thubuai chu US court-ah rem a ni dawn tih a sawi.
