Puan tawh angin Kerala hian fur ruah a dawng nasa hle a, tun kum zabi chhugna ruah tui a dawn tam ber \um a nih hial thu State CM Pinarayi Vijayan chuan a sawi a, tui a len nasat avangin hmun tam tak tlawh pawh theih lohva a awm thu leh henglai hmuna awm te chhanchhuak turin sipaite’n lawng leh thlawhna tam zawk an thawn luh belh thu a sawi bawk a ni. PM Narendra Modi chuan vawiin tlai khan Kerala hi a tlawh a, chhiatna thlen dan helicopter a\angin a en thlithlai a ni.
Vijayan sawi dan chuan Thrissur leh Chalakudy khuate chu tui in a chim pil vek tawh a, Chalakudy lei-ah police 50 vel an tang mek a, chhanchhuah tuma beih mek a ni. Chalakudy-ah tho hian mi 70 vel tawmhimna inchhawng sang a chim a, chin hriat lohin mi 7 an awm mek a, National Disaster Response Force team 12 dang tirh luh belh mek an nih bakah Coast Guard lam pawhin tui len tamna Kochi-ah lawng lian pathum an tir ve mek bawk a ni. Khawchin lam mithiamte chuan ruah hi a la sur chhunzawm zel rih dawn niin an sawi a, hmun derthawng deuha awm te chu insaseng turin an ti a ni.
