Police te sawidan chuan Pathianni zan dar 8 vel khan Kerela-a Kasaragod district-ah Youth Congress worker pahnih kum 24 mi Kriplesh leh kum 29 mi Sarathlal, Joshi tia koh bawk te chu two wheeler-a an inphurlai SUV car-a chuang mi tu tih hriat lohte’n tidingin chem hmangin an bei a, Kriplesh-a hi a hmunah thi nghal a, Sarthlal hi Mangalore-a damdawi in panpui laiin a thi a ni.
Congress kaihhruai United Democratic Front chuan he thil thleng laka lungawi lohna lantir nan vawiin khan Kasargod-ah Bandh an huaihawt a, Youth Congress te chuan Kerela state pumah khawvar a\anga ni tlak thleng lungawilohna an lantir bawk.
Congress hotu Ramesh Chennithala chuan heng youth congress hnathawk te hian thil tihsual engmah an neih loh thu sawiin, sorkar chu pawikhawihtute man a, hremna pe thuai turin a phut a, rorellai CPM te chu Congress party tihchhiat tuma mi sual ruaiah a puh a, he tualthahnaah hian pawikhawihtu an nih a rin thu a sawi bawk.
CPM district secretary MV Balakrishnan erawh chuan an inrawlh loh thu leh he tualthahna hi an dem thu sawiin politics changchawia nunna lak an dem thu a sawi a ni. KPCC president Mullapally Ramachandran chuan Kerela CM Pinarayi Vijayan chu a party mi te an hriamhrei dah bo tir turin a phut bawk a ni. Pawikhawihtute manchhuah tum hian police te’n an beih mek tih an sawi.
