He mipa naupang hian inentir tura damdawi in a pan \umin, mipat hmeichhiatna kawnga mawi lo taka khawih a nih \hin dan a doctor a hrilh hnuah, doctor hian Childline hotute a hriattir a, anni hian chhui chiangin police te hnenah thubuai an thehlut nghal a ni.
Malapuram Childline coordinator, Anwar Karakkadan sawidan chuan thil tisualtu hi naupang pa unaupa nupui a ni a, thla engemawzat chhung a lo khawih \hin tih an finfiah tawh thu leh a chunga thil thleng hian mipa naupang rilru a tibuai nasat thu a sawi.
Thenhippalam police te chuan he hmeichhe lakah hian Protection of Children from Sexual Offences Act-a Section 5 leh 6 hnuaihah thubuai an ziaklut a ni. Sub-inspector Binu Thomas chuan pawikhawihtu leh a tuartute chhungkaw inkarah hian thil dang chungchangah intihbuaina a awm thu an hmuhchhuah thu sawiin, tuna thil thleng hi he an chhungkaw intihthiamlohna nen inzawmna a neih leh neih loh an chhui tur thu a sawi a ni.
