Kerala-a Hindu atanga Muslim-a inletin sawi hlawh

Kerala-a Hindu hmeichhe pakhat, Akhila Ashokan chu Hindu a\angin Muslim-ah a inlet a, a hming pawh Hadiya tiin a thlak a, Thawh\anni-a Supreme Court-a inlan turin Kottayam-a a chenna in chu ven himna nasa tak hnuaiah a chhuahsan a ni. Kum 25 mi, Hadiya hi a nu leh pate nen an cheng ho a, a nu leh pate chuan, Muslim mi, pasalah a nei dawn tih sawiin, an fanu hi Muslim-ah hian inleh luihtir niin an sawi a, a nu leh pate leh Hadiya hi \umhmun an panna kawngah police officers 16-in, Police motor 4 hmangin an veng a ni. October ni 30 khan Supreme Court chuan, Hadiya-i hi kum tling a nih tawh avangin, sakhaw dang a vawn duh chuan ama thu a ni tih a sawi a, pasal atana Muslim mi neih a duh chhan leh, a inleh chhan dik tak hi amah ngeiin court-ah sawi se a ti a ni. Hadiya hi Muslim mi, Sheffin Jahan-a nen nikumah khan an innei tawh a, mahse hei hi Kerala High Court-in kumin May thla khan hnawlin, Kottayam district-a a nu leh pate hnena kir leh turin a ti a, a pasal hian hemi chungchang hi Supreme Court-ah a thlen ta a. Muslim mipaten sakhaw dang mite, nupuia an neih \hinna-ah hian mi firfiak, ISIS leh pawl dangte an inrawlh em, tih thlenga chhui chiang turin Supreme Court hian National Investigating Agency pawh a lo hriattir tawh a ni. Hadiya hi Hindu-a kir leh turin nasa taka thlem a ni a, Ningani pawh khan Hindu puithiamin darkar thum a kawm a, he thilah hian RSS pawh an inrawlh niin a pasal, Sheffin Jahan chuan police hnenah a thlen a ni.