Kum 36 mi Peter Tabichi hi Kenya-a Pwani village-a Keriko Mixed Day Secondary School-ah Maths leh Physics zirtirtu a ni a, a zirlai tam zawk hi chhungkaw rethei tak, anmahni chenna in-a eitur pawh nei lo te an ni hlawm a, fahrah leh nu emaw pa chauh nei an awm nual bawk a, sikul kal tur hian zirlai \henkhat hian ke-in km 7 te an kal a ngai a, an sikul hian computer pakhat chauh an nei bawk a ni.
Global Teacher Prize huaihawttu Varkey Foundation te chuan Peter Tabichi hian a hlawh za-a 80 chu miretheite a pe \hin tih an sawi a, a sikulah computer pakhat chauh neiin internet \ha lo hle mahse zirlaite’n an hriatthiam zawk nan Information and Communication Technology (ICT) \angkai takin a hmang \hin bawk a ni.
Peter Tabichi hian Global Teacher Prize hi Dubai-ah a dawng a, dollar mtd 1 a keng tel a ni. Tabichi chuan he lawman hi amah ni loin a zirlaite thawhrah a ni tih a sawi a ni.
