Kaziranga National Park-ah tui lian vangin ramsa 140 chuang thi tawh

Assam-a Kaziranga National Park-ah tui lian avangin ramsa 140 chuang a thi tawh. He state-a tui lian thar leh hian sq km 481 vela zau, Kaziranga National Park-a hmun zaa 80 vel a chim tawh a, tun thla ni 10 atang khan samak 7, sakhi leh sazuk 127, sanghal 3, sai 2, lawi 1 leh sakuh 1 a thi tawh niin he National Park-a Divisional Forest Officer, Rohini Ballav Saikia-i chuan a sawi a, nitin deuhthaw, ramsa ruang hmuh tur a awm tih sawiin, tun thla ni 10 khan he National Park-ah hian Difloo lui kal tlangin Brahmaputra lui tui a luh avangin tui lian hi a zual nasa hle niin a sawi. Tunah hian Kaziranga National Park-a ramsate hi National Highway 37 dung leh Karbi Anglong district-a thingpui huanah ei tur zawngin an tla mek nia sawi a ni.