Sheik Muhammad Abdullah fanu, Khalida Shah chuan sorkar laipui thiltih dan chu runthlak a tih thu a sawi a, sorkar laipui chu Kashmir history thaibo tumah puhin Modi-a sorkar thutlukna siam reng reng chu mi tam takin an thinrim pui zel a ni a ti bawk. Hemi hmalam hian Modi chuan martar te ni atan hman \hin, July ni 13 pawh a lo titawp tawh a, July ni 13 hi kum 1931-a Kashmir-a Hindu lalber dodalna lantirnaa mi 22 te an thih phahna cham kha a ni.
Khalida Shah hi J&K dinhmun sawi danglam a nih hnu, nikum August thla a\anga pawn chhuak thei lo tura an hren zingah khan a tel a, ama rual hian a unaupa, Farooq Abdullah leh a vahpa Omar Abdullah, J&K Chief Minister hlui te ve ve pawh hren an ni bawk.
Sheik Abdullah hi kum 1931 khan Dogra lal, Hari Singh-a’n Kashmir mipuite kaihruai turin a ruat a, khata \ang khan Kashmir tan theihtawp chhuahin a bei zui zel a, India rama mi thil ti thei tak tak te nen an inchul nel hle a, chung zingah chuan khatih hunlaia prime minister, Jawaharlal Nehru pawh a tel a ni. Thuneitu sang tak takte nen an thawhhona a \hat em vangin Pakistan dintu, Muhammad Ali Jinnah chuan a ngai thei lo hle a ni. Sheik Abdullah hi kum 1982 khan a thi a, a thih hnuah India inrelbawl dan kalhin helpawl an che na le a, pro-Pakistan pawh huangtau takin an che zui a ni.
