Trump hi Thawh\anni khan Pakistan Prime Minister, Imran Khan nen White House-ah an inkawm a, hetah hian Trump chuan Modi nen kar hnih liam taa an inhmuh thu leh Kashmir buainaah remna siam turin a sawm tih a sawi a, puih theihna a neih chuan remna siam tura palai nih chu a hreh lo tih a sawi bawk a ni.
Trump chuan Kashmir-a thil thleng \hin chu a hriat fo thu leh, a hming a nalh ang bawkin khawvela ram mawi ber te zinga mi a nih a rin thu te sawiin, tunah chuan Kashmir ram chhung zawng zawng chu puak thei thilin a khat tawh tih mi sawi a hriat thu a sawi a, tih theih a neih phawt chuan amah chu hriattir turin a ngen a ni.
Imran Khan chuan mi tam takin Trump chu an \awng\aipui tih a hrilh a, Kashmir buainaa remna palai a nih chuan a chinfel theih a beisei thu a hrilh bawk a ni.
Hetihlai hian Foreign Ministry thupuangtu, Raveesh Kumar chuan Prime Minister, Narendra Modi-a’n remna palai hna thawk turin Trump-a a sawm lo tih a sawi ve thung a ni.
US State Deptt.-ah thu sawiin Trump-a chuan Kashmir chu Islamabad leh New Delhi kaihhnawih ram buai tak a ni a ti a, Washington chu pui turin a ring reng a ni a ti.
