Karnataka Lokayukta Justice P Vishwanatha Shetty chu complaint thehluttu pakhatin a office ah luhchilhin hmun tam takah a vit hliam. Hetianga kuthlaktu hi Police ten an man nghal a, Justice P Vishwantha Shetty dinhmun hi ngaihtuahawm a ni lo tih Karnataka home Minister Ramalinga Reddy chuan a sawi. Pawikhawihtu hi Tejas Sharma a ni a, Lokayukta-a complaint thehluttu mi thahnem tak pungkhawm zingah tel vein hetiang hian a che ta a ni. Kum 74 mi Justice Shetty hi mimal damdawiin ah dahluh nghal a ni a, Karnataka Chief Minister Siddaramaiah chuan damdawiin ah hian a tlawh nghal a, rorellai congress party hruaitu Brijesh Kalappa chuan Lokayukta hi mi zawng zawng ban phaka hnathawh tir a nih avangin silai keng venghimtu pawh dah an ni lo tih a sawi a, hetihlai hian Lokayukta hlui Santosh Hegde chuan venhimna that tawk loh vang a ni a ti thung.
Chanchin Thar Karnataka Lokayukta Justice mi pakhatin vit
